Parent Aware (Niam Txiv Paub Tseeb) cov nqi zog hnub qub yuav pab koj nrhiav tau tej khoos kas zoo thiab ntxim koom uas yuav pab koj cov me nyuam mos liab, me nyuam me, thiab me nyuam uas npaj kawm ntawv rau txoj kev kawm ntawv thiab txoj kev ua neej nyob tom ntej mus.
Tej yam uas muaj los rau ib tug me nyuam thaum ntxov kav tas ib sim neej. Vim ib tug me nyuam twg lub paj hlwb feem ntau loj hlob tiav tas thaum tus me nyuam muaj hnub nyoog 5 xyoos xwb, ces tseem ceeb heev uas ib tug me nyuam txais kev zov kev qhia zoo txij thaum nws yog ib tug me nyuam mos liab los mus txog thaum nws npaj mus kawm ntawv. Qhov uas muaj ib qho chaw uas kawm tau ntau yam yooj yim thiab zoo, txawm hais tias yog me nyuam mos liab los xij, tseem ceeb heev npaj cov me nyuam no rau txoj kev kawm ntawv thiab txoj kev ua neej nyob.
Muaj Parent Aware (Niam Txiv Paub Tseeb) cov nqi zog hnub qub rau cov neeg zov me nyuam/qhia ntawv ntxov nyob hauv: St. Paul, tej lub cheeb tsam hauv Minneapolis Qaum Teb, koog chaw kawm ntawv Wayzata schoo, thiab ob lub County Blue Earth thiab Nicollet.